Naxçıvanda 4-cü “Kətə festivalı” keçirilib

16-17 aprel 2022-ci il tarixlərdə "Naxçıvanqala" Tarix-Memarlıq Muzey Kompleksində 4-cü “Kətə" festivalı keçirilib. Muxtar respublikamızın bütün bölgələrindən ailə təsərrüfatçılarının fəal qatıldığı festivalda çeşid-çeşid kətə nümunələri hazırlanaraq satışa çıxarılıb. Sakinlər və diyarımızın qonaqları ləziz Naxçıvan kətəsinə böyük maraq göstəriblər. Həmçinin “Kətə” festivalında 22 sənətkar tərəfindən hazırlanmış 16 ədəd ağac üzərində yandırma, 8 ədəd daş duz üzərində işləmə, 7 ədəd mis üzərində döymə, 2 ədəd gipsdən hazırlanmış iş, 5 ədəd ağac üzərində oyma, 91 ədəd dekorativ iş olmaqla ümumilikdə 129 ədəd 1306,50 manat dəyərində əl işlərinin sərgisi təşkil olunub. Bununla yanaşı Naxçıvan Biznes Mərkəzinin “Xalq Yaradıcılığı Emalatxanası”nda və “Cəlilkənd Buzxanası”nda əllə toxunmuş 5 ədəd 903,00 manat dəyərində xalça nümayiş olunub.